कांग्रेसकी सांसद डा. डिला संग्रौला भन्छिन : प्रिन्टिङ प्रेस प्रकरणको सत्यतत्थ्य बाहिर आउनुपर्छ

,

२३ फागुन,काठमाडौैँ÷ प्रमुख प्रतिपक्षी दल नेपाली कांग्रेसकी सांसद डा. डिला संग्रौला पन्तले नेपालमा कोरोना भाइरस जसरी नै भ्रष्टाचार मौलाएको दाबी गर्नुभएको छ । आज बसेको प्रतिनिधिसभाको बैठकमा बोल्दै सांसद संग्रौलाले नेपालमा कोरोनाले तर्साएको जस्तै भ्रष्टाचारले पनि तर्साएको बताउनुभएको हो ।

उहाँले प्रधानमन्त्री केपी शर्मा ओलीको स्वास्थ्यलाभको कामना गर्दै दृढ इच्छाशक्तिका कारण प्रधानमन्त्रीले शारीरीक रोग जित्न सफल भएको तर, भ्रष्टाचारलाई जित्न नसकेको बताउनुभयो ।

प्रधानमन्त्रीले भ्रष्टाचारीलाई संरक्षण गरेको भन्दै उहाँले प्रिन्टिङ प्रेस खरिदमा भएको भ्रष्टाचारको सत्यतथ्य बाहिर आउनुपर्ने बताउनुभयो । पुर्वमन्त्री गोकुल बाँस्कोटालाई कारबाही हुनुपर्नेमा उहाँको जोड छ ।